Bo Nadal e Feliz Ano Novo.

Club Salmo, VII Trofeo Festas do Rosario.

     ..meu amig@, o pasado sábado día 12 desprazámonos A Coruña para participar na VII edición do trofeo festas do Rosario, á parte da competición nun ámbito fantástico, sempre é agradábel encontrarse con amigos e coñecidos unha vez ao ano.

      Felicitar o Club Salmo e os seus directivos polos cambios na competición que este ano se celebrou entre as enseadas de San Amaro e Pelamios, paseo marítimo da Coruña. A pesca realizouse en dúas mangas, e a zona de competición estaba dividido en catro tramos de 12 postos con 15 metros cada un.

     Déixovos unhas fotos que me pasou o amigo ALF.

3º José Manuel Brea.

2º Alberto Abilleira.

1º Adolfo Conde.

Parabéns aos premiados.

     Tedes máis información en: http://pescarioeume.blogspot.com.es







Despedida da tempada do reo.

     ... meu amig@, onte foi o día elixido para despedir a tempada de pesca do reo. Quedamos en reunirnos ás sete no Martiño, Pontedeume, para tomar o café ou chocolate con churros, para seguidamente desprazarnos ao couto de Ombre, río Eume, e gozar da pesca en compañía dos amigos, no persoal dicir que só puiden enganar dous pequenos reos de 30 e 32 cm, e unha pequena pintona  na xornada matinal.

     Unha vez demos por rematada a xornada de pesca, "asaltamos" a casa de J. Antonio que exercía unha vez mais de anfitrión, mirade as fotos, pois nós, volveremos como "irmandiños".

O anfitrión e bo amigo J Antonio.

Un tentempé.

J. Carlos, exercendo de axudante de cociña.

De aperitivo, nécoras.

O prato principal, Cachena galega.

     Por se fose pouco, continuamos a xornada gastronómica con requeixo da Faeira acompañado de mel de Goente, café, licores varios e rematamos no xardín, algúns cos dixestivos e outros cabeceando polas hamacas, ou onde podía.   

Dormentes, cordeis, etc., na praia do lago.

     ...meu amig@, dende o blog quero denunciar a aparición de anzois na praia do lago. Isto é algo que a min como pescador me desagrada profundamente, en primeiro lugar polos accidentes que poden ocasionar en bañistas ou paseantes e máis se o afectado é un menor, e en segundo lugar, o furtivismo.

    Os dormentes, cordeis, etc., son as artes ilegais nas cales se deixan anzois cebados que atados a unha rama da beira se deixan á espera de que pique un peixe, sen a intervención directa do pescador, polo que se considera pesca "furtiva", unha infracción grave, na que a lei de pesca fluvial prevé multas de entre 3.000 e 30.000 euros.   

Este é o "animaliño": 5 cm de longo, 2,2 cm de apertura, e unha sedela do 12.

Curso pesca a mosca.

     ...meu amig@, estamos na recta final do curso de pesca a mosca de agosto. Agora só queda unha cousa: práctica, práctica, práctica.

Diante do torno atando as moscas.

Lance en seco e piscina do Lar.

No río.

As primeiras capturas.

Curso Pesca a mosca.

 

     ...meu amigo, se che gusta a pesca e queres mergullarte no mundo da pesca a mosca, tes un curso no que poderás iniciarte ou mellorar as distintas técnicas.  

Xornada de pesca no Eo.

     ... meu amigo, a xornada de pesca de onte en Abres no río Eo pasou sen pena nin gloria, pero con ganas de volver, así que mellor vos deixo unhas fotos cos seus comentarios.

Distintas libreas.

 A alegría é ver novas xeracións.

Imos ver que poden comer.(foto de Alf)

Alf, comentándome como loitan os reos do Eo, xa é “reomaniaco”.(foto de Tray@)

Tray@ escolle as correntes.

Non estamos todos.(foto de Alf)

Aquí si que estamos todos.

  

 

Cando non se fan ben as cousas adoita pasar isto.

Abres, lote 4.

O que si que espero é que a suba de prezos (40%) se note na limpeza e o coidado dos nosos ríos.